Бүгүн, 31-августта, Кемин шаарында Кыргыз Республикасынын Эгемендүүлүгүнүн 34 жылдыгына арналган марафон өттү. Иш-чарага шаар тургундары жана спорт сүйүүчүлөрү активдүү катышты.
Марафондун ачылышына Кемин райондук мамлекеттик администрациясынын башчысынын орун басары Асель Джуманалиева катышып, акимдин атынан жалпы элди Эгемендүүлүк күнү менен куттуктады.
Иш-чара «Дени сак жашоо – бекем мамлекет!» урааны алдында өтүп, марафон шаңдуу маанайда уюштурулду. Катышуучуларга жакшы маанай тартууланып, жеңүүчүлөр баалуу белектер жана сыйлыктар менен сыйланышты.